Jólasveindans barna 2-12 ára

Peysan er prjónuð ofan frá og niður í hring með berustykki sem prjónað er í mynsturprjóni í 6 litum og einföldu gatamynstri svokölluðu öldumynstri í einum lit í ermum og bol. Saumað er í saumavél tveir saumar að framan milli fjögurra lykkja sem ekki teljast með í munstri eða notuð svokölluð Steeking aðferð sem kynnt er vel í uppskriftinni til að komast hjá að sauma í saumavél. Síðan er klippt upp og heklaður kantur með fastapinnum meðfram hvoru megin, líka hægt að gera í hálsmáli og í síðustu umferð er gerður bugðóttur kantur. Farið er í og leiðbeint hvernig hægt er að fela saumasárið á fallegan hátt. Hægt er ýmist að gera hnappagöt ef áhugi er á að hafa tölur eða sleppa honum og hafa frekar krækju/krækjur.